تخصصي دندې:
- د دولتي ادارو لخوا د عامه خدمتونو په وړاندې کولو کې د مثبت بدلونونو رامنځته کول.
- د عامه خدمتونو د ساده کولو لپاره د یو ځانګړي میتود سره سم د اړینو اسنادو چمتو او تنظیمول.
- په دولتي ادارو کې د ساده کولو د پلان پلي کول له څرنګوالي څخه يې دوامداره ارزونه او کنټرول.
- د وضعیت تحلیل، د خطرونو تشخیص، د موجوده پروسو انځورول، کمپیوټري کول او د تخنیکي ساده کولو او نوښت آمر سره په همغږۍ کې د پروسو ساده کول او نوښت راوستل.
- د مخکینیو ټاکل شویو میتودونو او پروسیجرونو په پام کې نیولو سره د اسان خدمت دوامداره مدیریت په اړه د بدلونونو رامنځته کول.
مدیریتي دندې:
- عمومي پلان سره سم، ټاکل شویو موخو ته د رسېدو لپاره میاشتني، ربعوار او کلني کاري پلان چمتوکول.
- د ادارې د رهبرۍ د خبرتیا په موخه د اړوندې څانګې د لاسته راوړنو او فعالیتونو په اړه د میاشتني، ربعوار او کلني راپورونو وړاندې کول.
- د قوانینو، مقرراتو او د ادارې د هدفونو سره سم د ټولو هغو دندو ترسره کول چې د اړونده آمر/ ذیصلاح مقاماتو له خوا سپارل کیږي.
همغږۍ دندې:
- په وخت سره عامه خدمتونو د وړاندې کولو او د آسان خدمت د مرکزونو د جوړولو د پلان طرحي او ډیزاین کولو لپاره د تخنیکي او سیسټم سازۍ ټیمونو سره همکاري او همغږي کول.
- په ساده، اسانه او چټکه توګه د عامه خدمتونو د وړاندې کولو په موخه د نورو ادارو سره دوامداره همغږي.
